Bugun Farg‘ona viloyati pedagogik mahorat markazi “Axborot resusrs markazi” binosida “Maktabgacha, boshlang‘ich va maxsus ta’lim metodiklari ” kafedrasi o‘qituvchisi Feruza Akbarova va boshlang‘ich ta’lim 1-guruh malaka oshirish kursi tinglovchilari bilan birgalikda “Hosil bayrami” mavzusida tadbir tashkil etildi.
Tadbirda hududiy markaz direktori Maftunaxon Odilxo‘jaeva, kafedra professor-o‘qituvchilari va boshlang‘ich ta’lim malaka oshirish kursi tinglovchilari ishtirok etdilar. Tadbir davomida ishtirokchilar tomonidan hosil bayrami bag‘ishlab she’rlar, topishmoqlar, viktorina o‘yinlari, tezkor savol-javoblar hamda kuy va qoʻshiqlar ijro etildi. Tadbir barchaga ko‘tarinki kayfiyat bag‘ishladi.
