Farg‘ona viloyati Pedagoglarni yangi metodikalarga o‘rgatish milliy markazi direktor o’rinbosari Xavasxon Shokirova tomonidan joriy yilning 25-yanvar kuni viloyatining So‘x tumanida tashkil etilgan sayyor malaka oshirish kursining Davlat (O‘zbek) tili tinglovchilari guruhida mahorat darsi o‘tkazildi.
“O‘qitishning zamonaviy texnologiyalari” moduli bo‘yicha o‘tkazilgan mazkur mahorat darsida Davlat (O‘zbek) tili fanida murakkab mavzularni zamonaviy pedagogik texnologiyalar yordamida o‘qitish va hamkorlikdagi ta’limni samarali tashkil etish usullari, motivatsion vaziyatlarni yaratish masalalari ko‘rib o‘tildi.
